photoshop4all photoshop4all
random

آخر الأخبار

random
random
جاري التحميل ...
random

قواعد الديزانر الأربعون:


قواعد الديزانر الأربعون:
1 – بال طويل
2 – لا بقولك بال طويل اكتر من بال انك تقرأ ال 40 قاعدة
3 – اوعى واياك تسئل الديزينر هيخلص الديزين امتي عشان صدقني هو نفسه مايعرفش هيخلصه امتى
4 – اوعى تضغط عليه يخلصه في معاد معين عشان مايطلعش ليك حاجة زى وش رجلك
5 – ماتجيش تعمل فيها ديزينر قديم وتقوله يعدل في الديزين الي هو عامله وانت اساسا مابتعرفش تفرق الالف من كوز الدرة
6 – احترم الي هو عامله لانه لو شايفه وحش مكنش قدمهولك
7 – ماتكدروش عشان مايكدركش
8 – اوعى وحذارى تكلم ديزينر بعد ما النور يقطع
9 – عشان في الاغلب بيكون نسي يعمل Save للشغل وشقي عمره راح وبيتحسر عليه، واى حد هيكلمه يبقي بيلعب في عداد عمره
10 – ماتقعدش تقوله طلع دي من فوق ونزل دي من تحت واخفيلي دي ونور دى وخلي دي تتحرك هو مش ساحر
11 – ماتستغربش من شكله عشان هو غالباً حياته بتبقي على اللاب 24 ساعة
12 – ماتجرحوش شعوره في يوم الفلانتين عشان هو وش مش فاضي يحب ويتحب والكلام دا
13 – لو فى وسط الكلام كدا تاه منك ومعدش بيرد، ماتستغربش دا بيفكر في الديزين الجاى هيتعمل ازاي
14 – حاول تخفف عنه لانه غالباً بيبقي مكتئب
15 – ماتجيش تقوله "اعملى كوفر مكتوب عليه انا اصلا واد خطير" عشان مايفكركش بأموات عيلتك كلهم
16 – ماتقولوش يعمل حاجة ولما يعملها تقوله لا انا اقصد كذا، هو مش بيشم علي ضهر ايده عشان يعرف انت قصدك ايه
17 – لما يبقي بقالكوا فترة مابتتقابلوش ماتسئلوش انت مختفى فين عشان الدزينر عدو الخروجات
18 – ماتسئلش عن حالته المادية لانه غالبا بيصرف فلوسه على التكنولوجيا واى حاجة ليها علاقة بالتصميم
19 – حاول لما تشوفه تاخده بالحضن اوى لانك ماتعرفش ممكن تقابله امتي تاني دا لو قابلته
20 – كل فترة بس فكره انك طالب منه ديزين مش اكتر لان دماغه مش دفتر
21 – الديسك توب بتاعه عمره ما هيكون مرتب ودايما تايه في ملفات الـ PSD
22 – دايما مش إجتماعى إلا فى حالات نادرة
23 – نادراً لما مزاجه بيتعدل
24 – مش معنى انه خلص لك الديزين بسرعة انه كروتك، دا معناه انه قعد يتدرب سنين عشان يطلعلك شغل ساعات في 10 دقايق
25 – بيحب النسكافيه والقهوة بشكل مبالغ فيه
26 – معاهوش رصيد على موبيله ومابيشحنش نظراً لانه المادية و الاجتماعية التى تم ذكرها
27 – بيعمل موبيله سايلنت
28 – عشان انت لما تتصل بيه ومايردش عليك فا يقولك معلش الموبيل كان سيلنت
29 – الفوتوشوب بالنسبة له من أساسيات الحياة
30 – أفكاره مجنونة
31 – لانه بيفكر برة الصندق مش زى اى حد
32 – مش هتلاقيه في المناسبات العائلية إطلاقاً
33 – بيحب اللاب اكتر من الشوكولاتة
34 – على طول ساكت عشان مابيطقش التفاهات اليومية بتاعة البشر
35 – لما يعمل ديزين خليه يعمله من دماغه عشان دماغه افضل من الي انت بتعمله
36 – تقبله بأى حال من أحواله
37 – ماتقعدش ترغى معاه كتير لانه مش فاضى
38 – مابينامش كتير
39 – الروقان
40 – والانسجام


التعليقات



إذا أعجبك محتوى مدونتنا نتمنى البقاء على تواصل دائم ، فقط قم بإدخال بريدك الإلكتروني للإشتراك في بريد المدونة السريع ليصلك جديد المدونة أولاً بأول ، كما يمكنك إرسال رساله بالضغط على الزر المجاور ...

إتصل بنا

المتابعون

جميع الحقوق محفوظة

photoshop4all

2016 /- / 2017