طائر غريب يوصف الفرق بين الصور jpeg و ال Raw
الفرق بين الصور jpeg و ال Raw لما تصور بصيغة jpeg الكاميرا بتعمل تعديل علي ال shadows وال highlights وال contrast لوحدها , وبالتالي الصورة بتكون طالعة الوانها مقبولة وينفع تطبع علي طول , انما لما بتصور Raw الصورة بتكون خام محتاجة انها تتعدل عشان بتكون غامقة اكتر ومحتاج تعمل recovering للتفاصيل اللي فيها والتوضيح التالى الفرق بين الصور jpeg و ال Raw.
مميزات الصور بصيغة jpeg :
- - جاهزة للطباعة علي طول
- - مش محتاجة برامح عشان تفتح الصورة
- - حجمها اصغر
- - ال buffer بتاع الكاميرا يقدر يصور كذا صورة ورا بعض اسرع
عيوب التصوير بصيغة صور jpeg
- التعديل عليها اصعب بكتير لان الصورة بتكون already متعدلة بشكل جُزئي
مميزات التصوير بصور راو Raw :
- - الصورة خام يعني لو طالعة under exposed ينفع تعدلها افضل ولو في shadows مش باينين ينفع يتعدلو , افضل بمراحل بشكل عامل في التعديل
- - الصورة تقدر تحتفظ بيها زي ما هي وتعمل عليها كذا تعديل , وبعد كدة تعمل reset كأنك رجعتها زي الاول تاني
عيوب التصوير بصيغة راو Raw :
- - محتاج برامح معينة عشان تفتح عليه الصور زي camera raw او lightroom
- - حجمها اكبر بكتير
- - ال buffer بتاع الكاميرا محتاج وقت اكتر عشان تصور كذا صورة ورا بعض
- - غير جاهزة للطباعة علي طول
- - حجمها أكبر بتوصل لحد 60mb بالتالى هتحتاج كارت ميمورى مساحته كبيره
متى تصور بصيغة raw ومتي تصور jpeg ؟
- - لو انت حابب ان صورك تتحكم في ادق تفاصيلها وعندك استعداد انك تعمل تعديل علي كل صورة صور Raw
- - لو انت هتصور صور توثيقة مش محتاجة تعديل صور jpeg اسهل واسرع بكتير
- - لو هتصور حاجة محتاج تفاصيل فيها زي مثلا تصوير ال landscape او التصوير في ظروق اضاءة قليلة صور Raw عشان تقدر تعمل recovering للتفاصيل اللي في الصورة
في الاخر بتعتمد علي اختيارك انت , معظم المصورين المحترفين بيصورو Raw عشان الصورة يقدرو يعدلو عليها بشكل ادق من غير ما تقل تفاصيل الصورة
, لو هتصور 400 صورة مثلا وشايف انك مش هتحتاج تعدل عليهم صور jpeg هتوفر وقت ومجهود وبكده اكون وضحت تقريبا الفرق بين الصور jpeg و ال Raw